Registrierung MitgliederlisteZum KalenderSucheHäufig gestellte Fragen

Navigation
» Forum
» Portal

» Fotoalbum
» Unsere Girls
» Unsere Boys
» Unsere Gäste
» Unsere Gäste

» wo staut es sich
» Routenplaner
» Herold's gelbe Seiten
» Billig tanken
» Europawetter
» Bikerkalender

» Linkliste
» Bannerfarm
» Impressum

Suche



  
K.d.a.S. - Klub der alten Säcke » Allerlei » Plauderecke » wia schnö de zeit vageht...(erinnerungen eines alten sackes) » Hallo Gast [anmelden|registrieren]
Druckvorschau | An Freund senden | Thema zu Favoriten hinzufügen
Neues Thema erstellen Antwort erstellen
Autor
Beitrag « Vorheriges Thema | Nächstes Thema »
Mopedmörder Mopedmörder ist männlich
Routinier




Dabei seit: 30.11.2005
Beiträge: 349

Thema begonnen von Mopedmörder

wia schnö de zeit vageht...(erinnerungen eines alten sackes) Zitatantwort auf diesen Beitrag erstellen Diesen Beitrag editieren/löschen Diesen Beitrag einem Moderator melden       IP Information Zum Anfang der Seite springen



... i siach eahm no vur mein innan aug,
in winnetou wira aum max wintaplotz mit seina ktm
und flattande fedan, höm haum domois nua de wacheia trogn,
um de eck´n foaht denken um beim park an parkplotz,
wo scho de aundan mopet´n gstaund´n san zfindn, yes
aum bankl im park woan scho de meist´n vasaummelt,
da heinzi mitn plottnspüla, da peda midn bia prost
da hömal, da chris, da koarl, und wia´s olle ghass´n haum,
jo mia woan scho a klasse blodan und daumois de
fedafiarende partie in da moped und beginnand´n motorradszene, Freude
mia woan a ane de easchtn grupp´na de wos auf da ledajack´n,
am bugl, a aufschrift trog´n haum, des woa daumois ollas afocha, yes
a weisse foab - an dünnan pinsl und fertig, do hods mit neamd
an kraumpf geb´n, motz eh kloa wea aussa uns wa do no do gwesn... manno
daunsan de erschtn ausfoahrtn kumma, wachau, mariazöll, kärntn,
schpäda italien und vü mea, vabundn mit de erscht´n reibarein mid
de aborigines oda wia de hass´n, pfeifen
oisa mit de einheimischn und mid wechslnden erfoig und mea oda
weniga dippl´n aum eiganen boig wallbash
owa sche woas und daun son hoid noch da reih de motorradln,
de autos, de hock´n, de weiba, de gschropp´n und so weida kumma,
waun mas so sechn wü...fia den an oda aundan...
vielleicht a a valurene zeit mid vabindungen de eh ned g´hoidn haum motz
dea ane oda der aundare is stü und leise vaun da büdfläch´n vaschwund´n,
da rest is in neuch gegründete mc´s aufgaunga ,´
`s hod leida a wöche geb´n de de kuav´n ned kriagt haum
und jetz a poa meta tieafa lieg´n traurig
und aum max-wintaplotz is wieda ruhig wurn... yes
so fia heid is gnua und wauns es woits...
vazöh i eich de gschicht gean a aundas moi weida yes
bis zum nächstn mid an liabm gruss




da angel mopedmörder only

Dieser Beitrag wurde schon 3 mal editiert, zum letzten mal von Mopedmörder am 10.03.2015 07:19.

08.03.2015 16:42 Mopedmörder ist offline Email an Mopedmörder senden Beiträge von Mopedmörder suchen Nehmen Sie Mopedmörder in Ihre Freundesliste auf
Mopedmörder Mopedmörder ist männlich
Routinier




Dabei seit: 30.11.2005
Beiträge: 349

Thema begonnen von Mopedmörder

de hawara vaum max-wintaplotz ( de zweite) Zitatantwort auf diesen Beitrag erstellen Diesen Beitrag editieren/löschen Diesen Beitrag einem Moderator melden       IP Information Zum Anfang der Seite springen



.....na jo und irgendwaun woars hoit so weit und es hod
führascheine geb´n, yes oda a ned und de erscht´n motorradln
oda autos san kauft wurn, yes
voran freind winnetou, der die erste stuf´n zur menschwerdung
erreicht hod applaus indem er si a triumph kauft hod und daun
sans hoid nochanaund nochgruckt mid de jabanisch´n grammln, ballaballa
fost olle...a ausnauhm woa da robert mit seina bmw und nochher
mit da norton Freude und da erwin mit ana jawa.......
oba geh ma noamoi zruck in de glaunzzeit am max wintaplotz zwinkern
und de daumolig´n absolut´n in- lokäsch´ns aum plotz,
do woa de gruam, des nussi und de schneck oda a flüstastübal, lol
beim auspendln in den dritt´n beziak woan do no des billy und a
des caffee urania zu erwähnen, a poa g´schichtl´n de se duat og´schpüt
haum dazöh i bei gelegenheit, Yeah
nau und im zweit´n war no aum raund des wirtshaus vom könig
in da ybbsstross´n zum aufzöhn, durt woa freind heinzi staumgost,
des is so weit gaunga, biggreen
dass e glei da afochheit hoiba in wirt´n sei tochta g´heirat hod,
na jo a a meglichkeit de koin in da famülie z´ hoidn,
(SONBORN HEINZI SIEHE BEIDE ABBILDUNGEN)
wias weida gaung is dazöh i eich in ane da nächst´n gschichtl´n bigeek
so meine freind, des woas fia heit biszum nächstn
mit liabe gruss




da angel mopedmörder only

12.03.2015 11:53 Mopedmörder ist offline Email an Mopedmörder senden Beiträge von Mopedmörder suchen Nehmen Sie Mopedmörder in Ihre Freundesliste auf
Mopedmörder Mopedmörder ist männlich
Routinier




Dabei seit: 30.11.2005
Beiträge: 349

Thema begonnen von Mopedmörder

de dritte (geschichten die das leben schrieb) Zitatantwort auf diesen Beitrag erstellen Diesen Beitrag editieren/löschen Diesen Beitrag einem Moderator melden       IP Information Zum Anfang der Seite springen

da ami und seine hawara (a schicksoihofte begegnung)

...es woa wieda amoi so weit und a ausfoaht woa augsogt,
vom maxwintaplotz weg in richtung mariazöh de mopedna
woan augramt mit oin meglichn glumpad und a ersotzteuin,
weu ma kau jo nia wiss´n, proviant woa bunkat und de
partie is augritt´n.
noch laungan gmiadlichn ummadumfoahn und eikehrn in a
poa wiatsheisa aun da streck,n wobei etliche untatn vaübt
wurn san, wia zum beispü ana oda zwa haum se a gulasch
kauft, da rest hod se aun de brotkerb vagaunga, de semmeln
von untn ausghölt und den kümmalichn rest wieda sche
eineglegt, a poa haum in wiatn um de trangl pröllt und so weida...

in mariazöh, mariazöh muas ma se vurstöln woa ned so wia heit,
in de endsechzgajoah woa des a fiachtalichs kaff, aukumma
haum ma quartier in an zimmlich erledigt´n wiatshaus gnumma
und haum da afochheid hoiba des aungebot vom wiart´n
augnumma und unsare reibna in da schaunkstub´n garaschiert.

wia ma daun so duach mariazöh gaunga san haum ma auf a
aundare patie troffn de ebnfois mit eanare leibschissln noch
mariazöh gfoahn san, zeascht hods ausgschaut ois kummat a
köch ausse oba daun wia se aussegstöht hod des is a a weana
partie woa vabrüdarung in ana aundan pressluftschupfn augsogt
darauf hods an gemeinsauman wickl mid a poa einheimische
geb´n den wia natürlich, mia woarn a in da übazoi fia uns
entschiedn haum...


(der werte betrachter möge die zwar nur ansatzweise zu
sehende "BUGLDACKN" beachten, 1968 wurde bereits in der
mopedzeit die geburtstunde der wiener "MC`S" eingeläutet...
anm.der redaktion)

wärend mia de soieinrichtung a bissl umgruppiert haum staund
drausst in da wirtsstubn vaun dem etablissement da durfgendarm,
daumois woa in da nocht, wei eh nix los is, a zwarabesetzung aum
postn und hod zum wiartn gmant do geht a sicha ned eine, ma soi
wortn bis se des gaunze vaun söba beruhigt....
jo des woan hoid aundare gmiadlichare zeitn!!

aum nächstn tog in da fruah woan daun mea kibara do, de haum
gmant es is bessa waun ma weidafoahn und haum uns sogoa
mittls eskorte mid de siebnhundata puch de wos daumois eanare
dienstautos woan weidahgleit und aunan nächstn postn usw. übagebn,
bis weid noch niedaöstarreich eine, fia uns woa des a potzn theata -
und so haum ma in ami und sei partie, lauta leiwaunde burschn,
kennagleant und no vü mid eahna augstöht.......
doch des dazöh i eich a aundas moi waun wieda zeit is...

mid liabe gruss



da angel mopedmörder only

Dieser Beitrag wurde schon 1 mal editiert, zum letzten mal von Mopedmörder am 26.03.2015 20:00.

27.03.2015 11:19 Mopedmörder ist offline Email an Mopedmörder senden Beiträge von Mopedmörder suchen Nehmen Sie Mopedmörder in Ihre Freundesliste auf
paucki paucki ist männlich
Routinier




Dabei seit: 02.08.2004
Beiträge: 295

Fragezeichen ... und weiter??? Zitatantwort auf diesen Beitrag erstellen Diesen Beitrag editieren/löschen Diesen Beitrag einem Moderator melden       IP Information Zum Anfang der Seite springen

Hallo Altvater der Revolution! dance

Was ist los? Seit über einem Monat keine Zeilen. denken
Ich (nicht nur ich) warte auf eine Fortsetzung deiner Autobiografie!

Wauns di dafir ned eignaht haum,
reiss di zaum und dua damit weida! yes

Mit freindliche Griaß a gspaunta Paucki


28.04.2015 12:45 paucki ist offline Email an paucki senden Beiträge von paucki suchen Nehmen Sie paucki in Ihre Freundesliste auf
paucki paucki ist männlich
Routinier




Dabei seit: 02.08.2004
Beiträge: 295

Fragezeichen H A L L O ! ! ! Zitatantwort auf diesen Beitrag erstellen Diesen Beitrag editieren/löschen Diesen Beitrag einem Moderator melden       IP Information Zum Anfang der Seite springen

K A R L I ! ! ! nixweiss nixweiss nixweiss

Ein mit Spannung wartender
& mit LBG
Paucki


10.05.2015 18:26 paucki ist offline Email an paucki senden Beiträge von paucki suchen Nehmen Sie paucki in Ihre Freundesliste auf
Mopedmörder Mopedmörder ist männlich
Routinier




Dabei seit: 30.11.2005
Beiträge: 349

Thema begonnen von Mopedmörder

a gschichtl aus laung vagaungana zeit... Zitatantwort auf diesen Beitrag erstellen Diesen Beitrag editieren/löschen Diesen Beitrag einem Moderator melden       IP Information Zum Anfang der Seite springen

...oisa guat freunde, i kaun den paucki ned länga woart´n loss´n sunst reklamiert a nächstens ´mit´n bierschlegl...
und des is vielleicht ned so gsund

oisdan geh mas au, vor launga zeit gab´s a zwifehitten oiso a kaffeehaus so a richtige pressluftschupfn nahe dem donaukanal im 3. bezirk des von unsara partie des öfftaren heimgesucht wurde. de kobarin hod ned imma a freid mit uns ghobt und desweg´n san a efta lokalvabote ausgsproch´n wurn, de haum owa olle ned laung g´hoidn den de kohle was ma brocht haum woa firn umsotz äußast günstig und hod da kobarin ihr´n söinschmerz immens gmildat. besagte frau schankdirektor hatte drei pippnlackl´n...ä...buam, a jeda fia sich a glaunzstickl, do woarn erstns mamma´s stoiz a recht a brava bua, daun da sprengmasta, er schaffte es mittls eigenbausprengmittl, in da schui in chemie woa a guad, mutterns balkon, na den von da wauhnung, wos hobt´s es glaubt...oisa bitte des is a gschicht und ka porno zu vawüstn und da dritte bua hod den spitznauman da blinde kriagt und warum des dazöh i jetzt,

eines schönen tages, einige von da partie san in da zwifehittn gsess´n und es woa ehna fad, do kummt da zu dem zeitpunkt no ned spitznaumanbehaftete bei da tia in de hittn eina und raunzt sei mopet´n springt eahm ned au,
sofurt haum zwa, drei de gelegenheit de se do ergab gnutzt und haum eahna hüf aubotn, es kam wia es hod kumma miass´n, während ana de zindkerzn von dem bock greinigt hod, hod a aundara sich der sunnanbrün des besitzas vaun dem zuastaund bemächtigt und a dritta hod auf amoi a spraydosn mit schwoazn lack ind da haund ghobt und hod de glasln dunkl eigfäabt. noch voibrochtn weark und kurza trocknungszeit hod de brün so wia vuaher wieda ihr plotz auf da sitzbaunk gfundn.

de leibschissl is wieda grennt, da stoize besitza hod sei brün auf seina stirn fixiert und is zu ana proberunde aufbrochn
und wira de runde fost beendet ghobt hod und se zum obiagn in de gossn wo des kaffeehaus woa heagricht hod is eam de brün vaun da stirn auf´d nosn vur de augn grutscht und sei letzta aufschra befua er aum bodn detoniert is woa *hüfe i bin blind* wos eam postwendend den spitznaumen da blade blinde eibrocht hod....
...UND DES, LIEBE BETRACHTER, IST DIE BESAGTE HITTN,DIE ES AUCH HEUTE NOCH GIBT......

...so freunde des woas wieda amoi bis zum nächst´n gschichtl von da maxwintaplotzpartie und eahnare freind

mid an gaunz gaunz liab´n gruss



da angel mopedmörder only

Dieser Beitrag wurde schon 2 mal editiert, zum letzten mal von Mopedmörder am 18.05.2015 16:31.

22.05.2015 21:17 Mopedmörder ist offline Email an Mopedmörder senden Beiträge von Mopedmörder suchen Nehmen Sie Mopedmörder in Ihre Freundesliste auf
Mopedmörder Mopedmörder ist männlich
Routinier




Dabei seit: 30.11.2005
Beiträge: 349

Thema begonnen von Mopedmörder

laung, laung is her... a weitere story aus ana längst vagaunganen zeit... Zitatantwort auf diesen Beitrag erstellen Diesen Beitrag editieren/löschen Diesen Beitrag einem Moderator melden       IP Information Zum Anfang der Seite springen

es woa wieda amoi so weid, de beckl´n woan reisefertig, und mia san
richtung woidvierdl aufbrochn - um den stausee und ottensta unsa
hamsuchung zu mochn. noch ana foahrt ohne nennenswerte reparatuan-
oda sunstige schraufarein und noch diverse ned augsogte trankl´n und
speis´n bei diverse wiart´n, im wuudquota, is des daumois no locka
einegaunga und ana nächtigung, wia gwohnt im heischowa, samma daun
noch längara zeit - mia woan scho aum hamweg, no in a disco - a
extrazimma bei an durfwiatn midn eigaung duach an gatschant goartn,
wos ma hoid daumois bei de gscheadn ois disco vastaundn hod - einegfoin.
des saalettl woa mäßig besuacht genau so mäßig, wia de musik woa und
mia woit´n wieda aufbrechn und weidafoahn. olle haum scho gwoat nur
unsa heiptling hod sein spirituskocha ned auweafn kenna, des zeigl hod
jed´s moi wauna obetred´n hod a eignortigs gereisch von sich gebn und
des lackal zwischn vurda- und hintaradl is a imma gressa wuarn und hod,
na ned noch lulu, sondan noch benzin gschtunkn. de erkenntnis daraus woa,
dem schtinka von heiptling, is da vagasa obhaundn kumma. noch ana kurzn
beratung haum ma a strofexpedition gstartet. a poar aborigines - oda wie de
luadan hassn, zaumtriebn und nochdem kuarz, einsaum a watschngeknall
vabund´n mit an kurz´n jaumman, zhean gwes´n is, haum se wöche vaun
de eingeborenen gfundn, de se bereiterkläat haum, dem heiptling - wos des
heiptlings is wieda zu beschoff´n. noch einiga zeit woa zwoa da vagasa
wieda do, nua da krümma woa a noch ana partie weitara tetschn in rascha
reihenfolge vaobreicht ned zum auftreib´n.

oisa blieb nix aundas übrig, es woar jo scho mittn in da finstaren nocht,
noch dem ma kuaz übalegt, haum dem spirituskocha a feiabestottung zu
moch´n, sein schtinka, ned in heiptling, so vü benzin hod a ah wieda ned
mitghobt, ois in heiptlin sei gschwür saumt eahm aun a strickl zbindn und
in schlepp z´nehma. daumois woa in mopedmörda sei technisches wundawerk
mit dem motor ausgetattet, dem sei entstehung dem mopedmörda sein
spitznauman eibrocht hod - doch des dazöh i a aundas moi... jedenfois woa
dea murl so schtoark, dass sölbst in heiptling sei leibschissl saumt eahm,
daumois woara a no ned so blad wia heit, kaum an tempovalust brocht hod
und so san ma a bis ham gfoahrn. aungeblich hod da heiptling danoch noch ana
frischn windl valaungt, oba des kaun a a gerücht gwes´n sei, jed´n fois grochn
hod ma nix...
so freunde, des woas wieda amoi - bis zum nächstn gschichtl von da
maxwintaplotzpartie und ihre hawara - maant

mid an liab´n gruss



da angel mopedmörder only

Dieser Beitrag wurde schon 5 mal editiert, zum letzten mal von Mopedmörder am 26.05.2015 16:43.

26.05.2015 20:21 Mopedmörder ist offline Email an Mopedmörder senden Beiträge von Mopedmörder suchen Nehmen Sie Mopedmörder in Ihre Freundesliste auf
Mopedmörder Mopedmörder ist männlich
Routinier




Dabei seit: 30.11.2005
Beiträge: 349

Thema begonnen von Mopedmörder

da ausflug zum wörthasee Zitatantwort auf diesen Beitrag erstellen Diesen Beitrag editieren/löschen Diesen Beitrag einem Moderator melden       IP Information Zum Anfang der Seite springen

´s woa wieda amoi so weid des wichtigste woa zaumpockt de üblichn vadächtign woan vurm nussi aum max-wintaplotz vasaummelt und des zü woa kärnt´n und da wörthasee, zu dera zeit woa des no a schena fleck laund, ned zuabetoniert und ollas eizeunt, untawegs haum ma no de partie vom ami troff´n, de freindschoft mit de burschn aus´m 17tn beziak hod se so entwicklt und mia haum einiges gemeinsaum gmocht, oisa auf noch kärnt´n üba berg und toi, do meist auf bezirksstrassln untawegs, in dera zeit ende da sechziga woa no kaum a vakehr und mir haum uns a bissl geh lossn kenna und wia ma so foahn woa auf amoi da ami weg, zeast hauma gwoat daun haum eam a poa gsuacht, ohne erfoig im lauf des tog´s isa auf amoi wieda auftaucht, mid an leicht vaändatn beckl, sei leibschissl woa ohnehi scho a unikat, doch dermoi hod freind ami a reife leistung higlegt, er is bei an ausbanla aum weg eigfoin, hod sein ds50 vaschnitt noamoi vastümmelt, des fachl unta da sitzbaunk ausgmaslt, de hintarodschwingan und´s heck umgschwaßt hod an rafn von an fünfhundata puachanen eibaut ghobt und a eisnrehrl auf sissybar umbogn und schwoaz lackiert, fia des fohrzeig kriagast heit zwanz´g joah sta ung´schaut oba daumois is des ollas einegaunga und hod uns des gaunze stoiz vurgfiahrt, oft denk i wehmütig aun de zeit zruck und denk a aun unsare jungan und das des heit ollas goa nimma einegeht und das mia obwoi ma wenaga göd ghobt haum freia glebt haum ois de heit, wos eigentli schod is und ma de genaration fost a bissl lad tuat obwois aun materiellen dingen sicha mea haum ois mia friha...
oisa san ma weida gfoahn zum see und noch ana nächtigung in an aufglossanen bauanhof haum ma aum nächsten tog den see erreicht es woa a hassa tog und wia ma so mid aufkrempete ärmeln gfoan san sogt auf amoi ana von unsara partie, seine untaoam betrochtend, zu mia de sun hod scho a kroft schau wos i scho fia a foab hob...
weus so has woa und mia grod a schens platzl mit frei´n zuagaung zum wossa gfundn ghobt haum, haum ma beschlossn uns ana waschung zu untaziagn, einige vaun uns haum sogoa a saf dabei ghobt und boid is a öfüm auf´s wossa aussegschwuma und besagter typ hod wieda normal käsig aus da wäsch gschaut, de foaht richtung heimat is daun gaunz normal valauf´n, wies göd knopp wuan is haum ma auf de übliche oart unsan benzin und des fuada organisiert und so san ma daun ohne besondare wickl´n oda bresln noch wien zuruck kumma um unsa gewohntes leb´n aum maxwintaplotz und in de pressluftschupf´na runumadum aufznehma, bei gelegnheid dazö i daun von durt amoi apoa g´schichtln...

mid liabe gruss



da angel mopedmörder only

Dieser Beitrag wurde schon 1 mal editiert, zum letzten mal von Mopedmörder am 03.06.2015 12:20.

02.06.2015 17:36 Mopedmörder ist offline Email an Mopedmörder senden Beiträge von Mopedmörder suchen Nehmen Sie Mopedmörder in Ihre Freundesliste auf
Mopedmörder Mopedmörder ist männlich
Routinier




Dabei seit: 30.11.2005
Beiträge: 349

Thema begonnen von Mopedmörder

a stichwurtvazeichnis fia de de wos damois no ned dabei woan... Zitatantwort auf diesen Beitrag erstellen Diesen Beitrag editieren/löschen Diesen Beitrag einem Moderator melden       IP Information Zum Anfang der Seite springen

weu grod zeit is und i a poa aunfrogn zum thema ghobt hob a klans stichwurtvazeichnis...

maxwintaplotz = eigentlich max winter platz, dea plotz in dess´n park se des meiste ogspüt hod, wo ma se imma troffn haum

nussi = kaffeehaus am maxwintapotz

de schneck oda flüstastüberl = am max- winterplatz, ein tee und likörhaus welches langsam zum nachtkaffee mutierte

de gruab´n
= eine gaststätte welche im keller eines hauses am max- winterplatz

da szauta = konditorei am max-winterplatz

da ochtazwanzga = ein privatclub im haus ybbsstrasse achtundzwanzig und geburtsort des markennamens
da mopedmörda

da kenig = ein gasthaus in der ybbsstrasse bei der venedigerau

da schoba = ein gasthaus in der ybbsstrasse in dem die meisten von uns lokalverbot hatten

da bauer = ein gutbürgerliches gasthaus ybbsstrasse ecke wolfgang schmälzl-gasse

des k.u . = a kaffeehaus im 3.,

des billy = unsa treff aum kolonitzplatz

de seidlgoss´n = da ehemalige standort vom wigwam des winnetou

des ribing = lokal im 3.,

zwifehittn, pressluftschupf´n, schlürfbunka, russische apotheke, flammenwerfer, gifthitt´n = bezeichnungen diverser lokalitäten, gast-und brantweinstuben

winnetou - happ´l - mopedmörder - gerümp´l-poidi = spitznamen diverser orginale der maxwintaplotzpartie

beckln, leibschissln, geschwüre ,grammel, grammoliedn, stinka, usw . bezeichnung für die fahrzeuge der maxwinterplatzpartie

de maxwintaplotzpartie = ein bunt zusammengewürfelter haufen jugendlicher aus verschiedenen bezirken, die aus lust am fahren zusammenfanden und die als wiege der heutigen mc - szene in wien betrachtet werden kann

de list´n kaun bei bedoaf no erweitat wern, bis dahin

mit an gaunz lieb´n gruss



da angel mopedmörder only

Dieser Beitrag wurde schon 11 mal editiert, zum letzten mal von Mopedmörder am 06.07.2015 06:39.

03.06.2015 13:33 Mopedmörder ist offline Email an Mopedmörder senden Beiträge von Mopedmörder suchen Nehmen Sie Mopedmörder in Ihre Freundesliste auf
Mopedmörder Mopedmörder ist männlich
Routinier




Dabei seit: 30.11.2005
Beiträge: 349

Thema begonnen von Mopedmörder

in da nocht im heistodl... Zitatantwort auf diesen Beitrag erstellen Diesen Beitrag editieren/löschen Diesen Beitrag einem Moderator melden       IP Information Zum Anfang der Seite springen

es woa wieda amoi so weit, begünstigt duach an feiatog dea vua a woch´nend gfoin is wurde vaun de
üblich´n vadächtig´n beschloss´n wieda amoi da stodt zu entflieh´n und de provinz rund ums woidviatl zum hamsuach´n,
noch dem ma se gründlich ausgrüst ghobt haum, schlofseck, deckn, reiseproviant bevorzugt in dos´n
haum ma se auf´n weg gmocht und san losgfoah´n, hod zwoa kana genau g´wust wohi´ obwa des woa wurscht
hauptsoch mia san g´foahn und dass noch an laungan tog a a obnd kummt woa a klor, äusa haum ma uns a
schlofplatzl suach miassn, göd fia a zimma bei an wiatn woa ned, außadem wöcha wirt wa so schwochsinnig gwes´n uns zimma zgeb´n, a schena heistodl woa boid gfund´n und mia haum unsare beckln osa auskühda einegstöht de deck´na ausbrat und se fia de nocht heagricht, fua dem heistodl woa a tisch und a bankl aun dem in da fruah bereits zwa-drei beim fruahstuckn woan ois da baua dem der stodl gheat hod mid´n traktor kumma is, der woa recht freindlich hod gmant es i nix außagwehnlichs, do haum scho mea gschlofn und so laung drinn ned grauckt wiad mochts eahm a nix, daun hod a de stodltia aufgmocht und woa an heazinfakt noh, weu hinta da stodltia san no zirka fufzehn böck gstaundn und de restliche partie hod se grod ausn hei gwuzlt, noch´n fruahstuck woa dea obschied von dem landmann beinahe freindschoftlich und mia san weidagfoahn, noch den üblichen benzinbeschaffungsaktionen und zechpröllarein woan mia wieda amoi noch da suche noch an nochtquatia und san a wieda in da fuam eines heistodls fündig wuarn, noch dem die schlofplatzln wieda hergricht woan und noch ana letzt´n obendzigarett´n im frei´n, so vanünftig woa ma, dass drin ned graucht wurn is , haum ma uns zur ruhe gebettet, do dermoi woa mid da nochtruhe ned vü, zearst is a spassvogl zwischn de dochboikn umadumgreut und hod obepinklt wos mid an wutgschra quittiert wurn is daun woas ruhig, owa ned laung weu daun hod ane von de mentscha, a bissl a mollige, de natürlich a mid woan an von de burschn, an schlank´n und rank´n blond´n jüngling mid launge hoar, entjungfan woin, des hod se so aug´head,

AUS GRÜNDEN DER DISKRETION SIND DIE NAMEN VERÄNDERT,
ÄHNLICHKEITEN MIT EXISTENTEN PERSONEN SIND DAHER ZUFÄLLIG
UND OHNE BEDEUTUNG,

franzi geh her... na süval i wüh ned...na geh fraanzi geh her do - kum...na süval los des i wüh des ned , süval ned..na...aus...need süüval geh weg...hüüüfeee...naaa...

...im dunklen stadl waren fluchtgeräusche zu hören sowie die geräusche der verfolgerin, nach einer weile woas daun wieda ruhig und ich richtete mich zum schlafen her, daun woan geräusche bei mein kocha zhean, es woa ein daumois no beleibta freind der getrieben von sein appetit noch esboan gsuacht und in furm meina konserv´ndosna g´fundn hod, danach leises fluach´n, denn in weiser voraussicht hob i den dosneffna bei mia im schlofsock vastackt ghobt, am nächsten morgen san ma daun gmiadlich wieda in richtung heimat gfoahn, a untafaungan wos eh bis in´d nocht eine dauert hod und haum noch ana foahzeigkontrolle duach zwa übafordate bezirksschandarmen bei dea a vabaundspackl unbemeakt vaun de zwa vegln etliche moi in besitza gwechslt hod, damid ma uns vaun den aunstrengendn wochnend ausrost´n kenna, a jo-das is ned vagiss da franze hod se noch dem nächtlich´n augriff auf sei jungfräulichkeit an leibwächta zuaglegt, waun des mädl a mid von da partie woa und somid sei sölenheu gsichat...
oisa bis zum nächst´n moi

mid an liab´n gruss



da angel mopedmörder only

Dieser Beitrag wurde schon 6 mal editiert, zum letzten mal von Mopedmörder am 08.06.2015 15:15.

07.06.2015 12:27 Mopedmörder ist offline Email an Mopedmörder senden Beiträge von Mopedmörder suchen Nehmen Sie Mopedmörder in Ihre Freundesliste auf
Mopedmörder Mopedmörder ist männlich
Routinier




Dabei seit: 30.11.2005
Beiträge: 349

Thema begonnen von Mopedmörder

wia da mopedmörda zum mopedmörda wurn is ...( Zitatantwort auf diesen Beitrag erstellen Diesen Beitrag editieren/löschen Diesen Beitrag einem Moderator melden       IP Information Zum Anfang der Seite springen

a gaunz a liabs hallo aun meine mittlaweun zoireichn lesa...
...scho efta is de frog auftaucht, wöche bewauntnis es eigentlich mid dem nauman da mopedmörda hod,
do is jetztan de gschicht dazua,
es woa in de sechzga joah des vurig´n joahrhundat unsara zeitrechnung, wia ma no olle jung woan, a poa san´s no heit, de aundan... na jo, red ma nimma drüba...
...oisa zu dera zeit hod´s in da ybbsstrossn im zweit´n beziak an club geb´n, den von uns noch da hausnumma benannten ochtazwanzga,
in dem club vakehrte a a junga hoffnungsvolla bastla, da koarl, wauna grod niacht woa hoda se im auffrisiern von fufzgal motoren, den sogenaunten puachanen, vasuacht, maunchmoi mid meah erfoig, eftas owa mit weniga, de motorn hoda se von diverse ausbanla organisiert und aus de trimma imma wieda motoren zaumbastlt, der von seine freind ois bastla geschätzte jüngling verfoigte an tram und zwoa an motor der * draht wia a orgl* des hasst a spitznmäßige leistung bringt zu baun, kurzum etliche motorn san bei seine testvasuche plotzt, owa erhod ned aufgeb´n und aun an tog hodas bsundas oag triebn und noch einigen misserfolgen (aun dem tog woans drei) hoda hoid sein söinschmerz im club mit äuk zu untadruckn vasuacht, owa wias so im leb´n is , wer den schod´n hod braucht fian häckl ned surg´n, verlieh der kobara des clubs dem ambitionierten bastla den nauman mopedmörder der den bastler nunmehr sein weiteres leben begleitete...
zum oschluss sei no in olla bescheid´nheit erwähnt, mopedmörda hod späda do no den motor seina träume zaumbrocht, des woa daun der Motor, der wia scho in ana vurhergehend´n gschicht erzöht, den heiptling mit seina gramme ogschleppt hod...
des woas wieda amoi fia heit, bis zum nächstn gschichtl

mid an liabn gruss



da angel mopedmörder only

Dieser Beitrag wurde schon 3 mal editiert, zum letzten mal von Mopedmörder am 05.07.2015 09:35.

05.07.2015 09:35 Mopedmörder ist offline Email an Mopedmörder senden Beiträge von Mopedmörder suchen Nehmen Sie Mopedmörder in Ihre Freundesliste auf
Mopedmörder Mopedmörder ist männlich
Routinier




Dabei seit: 30.11.2005
Beiträge: 349

Thema begonnen von Mopedmörder

laung, laung is hea... Zitatantwort auf diesen Beitrag erstellen Diesen Beitrag editieren/löschen Diesen Beitrag einem Moderator melden       IP Information Zum Anfang der Seite springen

laung, laung is hea hob i ma unlängst docht wia i zuföllig in da gegnd z´tuan ghobt hob und iban max-wintaplotz wo ma unsa jugend vabrocht haum, oisa zumindast a poa von uns, da rest woa daumois scho oid,
gwaundat bin, da park is gaunz aundas des kindafreibod is weg und de hittna wo mia tschechat haum gibt's a zum teu nimma oda se haum an aundan kobara und hass´n aundas, na jo dea plotz hod sei ursprünglichs gsicht valuan und de leit san a aundas, san hoid vü tschu...hoid des is ned politisch korrekt, des sogt ma ned, des hasst heid nei-östarreicha oda so, na jednfois prägns des büd aum plotz, a stickl weida , in da ybbsstross´n den ehemaligen ochtazwanga gibt's scho laung nimma, aungeblich is des jetzan a loga vaun ana tischlarei, najo, so bin i hoid weida richtung proda gaunga, wos ido gsechn hob woa a ned leiwaund, ka wieslbuaga-biainsl mea, in woifisch haums ogrissn und a grossa teu dea spühall´n wo mia gwutzlt und gflippat haum gibt's a nimma, im dritt´n des billiy gibt's nimma des k.u. gibt's no, owa de hitt´n soi jetzan sea heiß sei, hob i zumindast gheat , von ana aundan hitt´n, wo ma fria woan, hod se da kobara hamdraht, dea hod hoid woascheinlich a glaubt er kaun´s se vabessan, da kobara von ana hitt´n in da radetzkystrossn hod vakauft de hittn gibt's jetzan noch einigen umbaut´n a nimma und so gings weida oiso kane wiaklich priklnd´n sochn, a oida freind hod se söbst vawirklicht is sein haung nach hochgeistiga litaratua, oiso noch comics, nochgaunga und residiat jetzan ois schundheftl-king in da löwengossn des is des anzige positive wos bliebn is und sunst´n gibt's eh nix, außa das ma laungsaum oid wean, des meakst aum bestn waunst draufkumst das de partys imma weniga oba de einlodungen zua de begräbnis se heif´n, bleib´n tuat nua waunst de im freindeskreis aun friha erinnast, vielleicht a wehmütiges lächln, waun de oid´n gschichtln dazöhid wean und daun sogst jo,jo, laung, sea laung is hea...
so des woas deamoi mid ana klan besinnlichn eainnarung aun friha, ollaheulichn is boid, des weda is so triab wia maunchmoi de gedaunk´n und aun des das vaun uns nimma vü gibt, owa wos sois, bleibts ma gewog´n, bis zum nächst´n moi...

mid an liab´n gruss



da angel mopedmörder only

22.10.2015 22:53 Mopedmörder ist offline Email an Mopedmörder senden Beiträge von Mopedmörder suchen Nehmen Sie Mopedmörder in Ihre Freundesliste auf
Mopedmörder Mopedmörder ist männlich
Routinier




Dabei seit: 30.11.2005
Beiträge: 349

Thema begonnen von Mopedmörder

de ochtasechzga genaration- oda wea oda wos woan de ochtasechzga?... Zitatantwort auf diesen Beitrag erstellen Diesen Beitrag editieren/löschen Diesen Beitrag einem Moderator melden       IP Information Zum Anfang der Seite springen

de frog in kürze beauntwuat, de ochtasechzga des woan ned nua de studentaln, na, des woan a mia, oisa olle de so rund ums ochtasechzda joa vaschiedanes hintafrogt haum, denan de moralinsaure valognheit da oidvurdanan am oasch gaunga is, de frei leb´n woitn und de se gegn des establishment aufglehnt haum, kuaz gsogt oisa mia ...
jede zeit hod ihre sprüch prägt, wos fia unsare oid´n des unsölige *sieg h....* eines beutegermanen in gschrumpfta version, hoid des deaf ma ned sog´n oda schreib´n, des warat wiedabetätigung oda so wias hoid dazua sog´n wenn wea den oid´n schaß aufwamt..
mia, oisa unsa genaratiaun, haum hoid gsogt *trau kan iba dreißg* oda *wea zwamoi mid da söb´n pennt gheat bereits zum establishment*
wia gsogt jeda zeit ihre sprich, das unsare oidvurdan mid unsan eiganan weg geh woin ned so afoch fertig wurn san woa a kloa owa hod uns ned sondalich gsteat, mia woitn hoid unsa eiganes lebn lebn, aus dera aufbruchsstimmung aussa haum se hoid de vaschiedanen gruppierungan büdt, de an motorisiert auf zwa radln, des woan de echtn, de aundan mit feine autos, des woan de schicki -micki oda wachschmeissa, de nächstn mid äuk oda shit und last but not least de was öllas zaum...na jo loss ma des... daun woan hoid no de studentaln de a an groß´n teu zua umstrukturierung beitrrogn haum und zua waundlung unsara gsöschoft und de heit zu denan ghean vua denan se uns ollaweu gwoant haum , de zeit ändat hoid de menschn, owa ...und auf des kenn ma stoiz sei, mir olle gemeinsaum haum dazua beitrogn , dass ma a schene unbeschweate zeit in freiheit haum erleb´n diaf´n, wo unsare heitig´n jungan dabei san de freiheit zu vaspün, mit´n brüssela diktat was von unsare jawoi- soga in da regierung ohne widasprich aunerkaunt wiad und de heitign jungan loss´n se ois gfoin so laungs eahna spükonsoin und eahnan compjuta haum und eahna des kana wegnimmt, doch darieba soi se jeda seine eiganen gedaunkn mochn und de san jo zum glick no frei...

so freunde des woas wieda amoi, pfiat eich bis zum nächstn moi
mid an liabn gruss
da unsichtbore koarl



da angel mopedmörder only

Dieser Beitrag wurde schon 3 mal editiert, zum letzten mal von Mopedmörder am 26.06.2016 21:29.

09.11.2015 05:00 Mopedmörder ist offline Email an Mopedmörder senden Beiträge von Mopedmörder suchen Nehmen Sie Mopedmörder in Ihre Freundesliste auf
Mopedmörder Mopedmörder ist männlich
Routinier




Dabei seit: 30.11.2005
Beiträge: 349

Thema begonnen von Mopedmörder

niedagaung da kaffeehauskultua... Zitatantwort auf diesen Beitrag erstellen Diesen Beitrag editieren/löschen Diesen Beitrag einem Moderator melden       IP Information Zum Anfang der Seite springen

requiem auf a stickl jugend
...jo leidln noch längara zeid gib i aus aktuön aunloss wieda amoi a lebnszeichn,
in meina söba gwöht´n klausur hod mi a nochricht erreicht de mi a bissl schreckt und a a bissl nochdenklich mocht, a institution im wiena nochtleb´n, a stickl oids wien gibt's weniga, des k.u. oda wia mir gsogt haum des urania (gemeint ist das Kaffee Urania in der Radetzkystrasse im 3. Wiener-Gemeindebezirk) gibt's nimma, da kobara hod afoch des hangal gschmissn und zuadraht,
mir- einige oide freind und mei wenigkeit, bestaundteu ana heraunwochsend´n aufstrebenden beikagenaration haum duat an teu unsara jugend vabrocht und se de nächt um de oahr´n gschlogn und de musikbox sekieart, de oide kobarin de horky gertl fost umam vastaund und aum raund von an herzinfakt brocht, de horky-buam quöht ana vaun de briada da hubert hod daun de hitt´n übanumma,is oisa in de fuaßstopfn seina mutta tredn und hod den pressluftschupfn bis zum schluss auf sei eam eigane oart weidagfiaht bis jetzt und ende jänna 2016 hoda zuadraht weu a gnua ghobt hod, is vaständlich waun ma head wos de gschissane regierung mid de kaffeesiada vur hod, es rechned se afoch nimma, na jo und mid anasiebzg isa a nimma da jingste...
...oisdan mid ana gewiss´n wehmud ruaf i dia zua - oids kaffee urania- leb woi... s´woa a schene zeid de ma in dir - mid dia vabrocht haum.

so des woas wieda amoi, pfiat eich, bis zum nächst´n moi

mid an liab´m gruss



da angel mopedmörder only

Dieser Beitrag wurde schon 2 mal editiert, zum letzten mal von Mopedmörder am 26.06.2016 21:28.

29.02.2016 13:31 Mopedmörder ist offline Email an Mopedmörder senden Beiträge von Mopedmörder suchen Nehmen Sie Mopedmörder in Ihre Freundesliste auf
Mopedmörder Mopedmörder ist männlich
Routinier




Dabei seit: 30.11.2005
Beiträge: 349

Thema begonnen von Mopedmörder

niedagaung da kaffeehauskultua...(2) Zitatantwort auf diesen Beitrag erstellen Diesen Beitrag editieren/löschen Diesen Beitrag einem Moderator melden       IP Information Zum Anfang der Seite springen

nochwuat...

ergänzend und aus traurig´n aunloß mechat i eich no mitteuin,
da kobara vom kaffee urania kuaz K.U. da horky hubert hod sein
ruhestaund nimma laung erlebn und genieß´n diafn,
aum 4. Juni 2016 oisa etwa vier maunat noch da letzt´n speastund
hod a hechare instanz fia eam speastund g´ruafn und er hod si auf
den weg, den ma olle geh miass´n gmocht und sei letzte ruah aum
zenträufriedhof gfundn, damit hod a stickl geschichte ihrn entgütig´n
oschluß gfund´n...



leb woi hubert, sicha wiast drüb´n mid deina mutta und deine briada
wieda a kaffehaus fian in dem ma se, du ois kobara mia ois gäst,
wieda sehg´n, oba hob a wengal geduid mit uns,
wauns hoffentlich no a längare zeit
dauan wiad

mid letzt´ngruss



da angel mopedmörder only

Dieser Beitrag wurde schon 1 mal editiert, zum letzten mal von Mopedmörder am 26.06.2016 21:26.

26.06.2016 21:26 Mopedmörder ist offline Email an Mopedmörder senden Beiträge von Mopedmörder suchen Nehmen Sie Mopedmörder in Ihre Freundesliste auf
Mopedmörder Mopedmörder ist männlich
Routinier




Dabei seit: 30.11.2005
Beiträge: 349

Thema begonnen von Mopedmörder

wias leb´n so spüt... Zitatantwort auf diesen Beitrag erstellen Diesen Beitrag editieren/löschen Diesen Beitrag einem Moderator melden       IP Information Zum Anfang der Seite springen

...da summa is vurbei und da heabst is ins laund zogn und a in mei leb´n, des bemeak i waun i mi zwoa söt´n oba do in spiagl schau, kummt zwoa eh ned oft fua, oba bein boat stutz´n ergibt sa se do das´d die genaua in spiagl schaust und bemeakst des wos mea wuad´n is, na ned des göd, wia maunche jetz´n glaub´n wean, sundan de foitn, außadem foit ma do a sotz ei den was ma , daumois woa i no wesentlich jinga, a zua der zeit a scho oida mau, i glaub winnetou haums eam gruafn, mid auf´n weg geben hod, es woa eigentlich a frog und de woa: waun is a mau oid? de richtige antwurt darauf woa, waun a beim gruppnsex gsogt hod na daunksche i woa scho drau, heit was i ea hod recht ghobt...
oba los ma de zeit weida rewü passian, vüle von uns haum eana letzte foaht scho autret´n, de aunläss zu denan mir uns treff´n san hauptsächlich begräbnis und waunst zu dia söba ehrlich bist gschpiast das söba dasd nimma da jingste bist und das da berufsjugendliche nimma duachgeht, a des privatleb´n is nimma des wos amoi woa weu des anzige wosd no hochkriagst san de augnbraun und den anzig´n vuafoi in dein leb´n wosd no erwoat´n kaunst is da vuafoi da baundscheib´n, mid´n beik´n geht´s an nimma so und irgendwaun dawischt die söba waunst da in ana auslog vom bständig de neichast´n rollatormodö auschaust, vielleicht soit i den rot von an oid´n freind wirkli befoig´n und efta auf de oim des schreck´ns zum unheulign leopoid kumma, denn wea was wia oft de oid´n sackl´n no in dea besetzung zum seg´n san...

mid nochdenklich´n gruas



da angel mopedmörder only

26.10.2016 21:05 Mopedmörder ist offline Email an Mopedmörder senden Beiträge von Mopedmörder suchen Nehmen Sie Mopedmörder in Ihre Freundesliste auf
Mopedmörder Mopedmörder ist männlich
Routinier




Dabei seit: 30.11.2005
Beiträge: 349

Thema begonnen von Mopedmörder

wia de zeit vageht... Zitatantwort auf diesen Beitrag erstellen Diesen Beitrag editieren/löschen Diesen Beitrag einem Moderator melden       IP Information Zum Anfang der Seite springen

wia de zeit vageht...

mia schreim in vurletztn tog vom 16er joah, ob s a guads joah woa muaß a jeda söba fir sich entscheid´n,
wia i so sitz und in de dämmarung ausse schau foin ma de net schenan ereignisse des heirig´n joah ei,
de begräbnisse mia scheint fünfe woans heia, fünfe de aus unsan leb´n vaschwund´n san, freind mid denan ma unsa freizeit vabrocht haum und de ma in dem leb´m nimma sehgn , des entgütige is des, was a bissl schreckt waun ma drüba nochdenkt, vascheich ma oba de triab´n gedaunk´n und wend ma se schenaren zua richt ma vielleicht unsa hoffnung auf´s neiche joah des sicha bessa wern wiad, gaub ma zmindest, denk ma aun de kummad´n schenan stund´n de ma mitanaunda vabringa wearn, aun de ane oda aundare ausfoaht aunan prinz´n charles dem gschead´n
dea jetzan scho alanich üba de donau auf´d oim findt und dea de ana oda aundare partie aureidn wird, da hausmasta und sei andrea wean a dabei sei, da winnetou mit sein japanisch´n rollator wiad midfoahn, da zoate koarl wird sei hundatfünfazwanzgerl tret´n und a aun olleaundan de dabei sei wean und gfrei ma se jetz´scho drauf, des mochts leichta de maunat wo goa nix geht zu übawind´n und winsch ma se, dass uns a im neich´n joahr ned da asphalt unta de radln ausgeh wiad, schiab ma den gedaunk´n das ma wieda um a joahr öda wern auf´d seit´n denk ma a neichs joahr, a neicha aufaung und hoffentlich blei´m ma wia ma san,

mid den wort´n in dem gedaunk´n oin a schenas neich´s joah und PROSIT 2017

winscht eich nebst liabe gruss



da angel mopedmörder only

30.12.2016 18:03 Mopedmörder ist offline Email an Mopedmörder senden Beiträge von Mopedmörder suchen Nehmen Sie Mopedmörder in Ihre Freundesliste auf
Mopedmörder Mopedmörder ist männlich
Routinier




Dabei seit: 30.11.2005
Beiträge: 349

Thema begonnen von Mopedmörder

wia de zeit so spüt... Zitatantwort auf diesen Beitrag erstellen Diesen Beitrag editieren/löschen Diesen Beitrag einem Moderator melden       IP Information Zum Anfang der Seite springen

wia de zeit so spüt und ollas amoi a end hod aussa da wuascht weu de hod zwa hod se a bei mia einigs vaändat,
do is kumma, dass i von wean gnua ghobt hob und i, *de weide dea grenan kuah und iahrn vasoffanan hoida wampo valoss´n, oisa de zwa zum scheissn gfund´n hob*, mi aus dem grund von wean vaobschied und a neiche herausvuadarung im laund da hannal, woa eh scho länga in planung, gfund´n hob,
damid mi mei roda freind a vasteht: i hob mein wigwam in a aundas reservat gstöt, des woa da grund warum meine mustangs heia im stoi bliebn san...host mi jetzan mei oida roda bruada?
oba im herz´n bin i a KDAS-la blieb´n, im nächst´n joah werma se wieda eftas sehgn hoff i zumindast,weu wia schnö was sei kau hob i im heirig´n joah in da famülie und a im bekaunntnkras gsehgn, owa hoff ma aufs neiche joah und das zwoa ned ollas oba vielleicht einges bessa wiad
und so winsch i oll´n de des les´n und eahnan famülien a scheens weinochtsfestl , an guad´n rutsch ins neiche joah, es soi eich da asphalt nia untan gummi ausgeh und imma ob´n bleib´n

mid liab´n gruaß



da angel mopedmörder only

Dieser Beitrag wurde schon 3 mal editiert, zum letzten mal von Mopedmörder am 27.12.2017 18:20.

27.12.2017 18:20 Mopedmörder ist offline Email an Mopedmörder senden Beiträge von Mopedmörder suchen Nehmen Sie Mopedmörder in Ihre Freundesliste auf
Mopedmörder Mopedmörder ist männlich
Routinier




Dabei seit: 30.11.2005
Beiträge: 349

Thema begonnen von Mopedmörder

a bsundara auloß... Zitatantwort auf diesen Beitrag erstellen Diesen Beitrag editieren/löschen Diesen Beitrag einem Moderator melden       IP Information Zum Anfang der Seite springen

...aus an bsundaren aunloß mecht i heit a klans gschichtl schreim und a uaviech da motorrodszene erwähnen, dea klachl is unvawüstlich und in an oita wo se de meist´n frog´n, hod da oide daimler gottfried sein reitwog´n scho erfund´n ghobt oda hoda eahm aus´n grund da gebuart von dem daumois no jungspotz´n erfind´n miass´n, zwoa hod sei mutta aungeblich aunlässlich seina geburt gsogt na des joah faungt scho guat au und wias in ötzi aus'n tiafschlof gweckt haum woa sei easchte frog * foaht da gscheade no motorradl?*
mittlaweu´ns siebzig, oisa öda wia sta, hod de zeit des reitwog´ns übalebt und indem a se dea marke´n
TRIUMPH zuagwaunt hoda de stufe dea menschweadung errreicht und trotz seina ähnlichkeit midn prinz´n charles, hoda ois roadcapt'ain der oidn sackl(lpicka) guade leistungen brocht und unta aundan aus dem grund mecht i eahm zur wiedakeah seines geburtstogs, dea si am eascht´n tog des neichn joahs jäaht, gratulian und winschn er soi so oid wean wira heit scho ausschaut und no vü joah in olla gsundheit auf seine gasradln vabringa,

mid liabn gruss



da angel mopedmörder only

Dieser Beitrag wurde schon 2 mal editiert, zum letzten mal von Mopedmörder am 29.12.2017 09:42.

29.12.2017 09:42 Mopedmörder ist offline Email an Mopedmörder senden Beiträge von Mopedmörder suchen Nehmen Sie Mopedmörder in Ihre Freundesliste auf
Mopedmörder Mopedmörder ist männlich
Routinier




Dabei seit: 30.11.2005
Beiträge: 349

Thema begonnen von Mopedmörder

de zehnte.... Zitatantwort auf diesen Beitrag erstellen Diesen Beitrag editieren/löschen Diesen Beitrag einem Moderator melden       IP Information Zum Anfang der Seite springen

...fost kaun i´s ned glaub´n, oba es san wirklich zehn joah, dass des festl wos untan nauman on the road again in bikerkreisen an gewiss´n bekauntheitsgrad, a duach´n Biber Rudi, dea uns jed´s joah akustisch vawöhnt, erreicht hod sei jubiläum feiat und a daunke aunan winni und seine helferlein, de mit fleiß darau oarbeit´n, dass des festl gibt und se jährlich, hoffentlich no vülle joah laung wiedahoit, es is a imma wieda sche, dass ma oide bekaunte und freind wieda trifft und se gemeinsaum frein kau, dass uns no gibt, leida wern de, de wos nimma gibt imma mehr, deshoib soit ma se wirklich zaumreiß´n und aun dem tog de oim aufoahn, da unheuliche Poidl und sei team gfrein se sicha wauns gschäft rennt und a a bissl wos im fleck bleibt, oisdann bis aum 7. juli waun zua gewohnt´n zeit des theata losgeht, lossts uns des jubiläumsfestl mitanaunda feian und sogtsas a denan freind von friha, de no net dabei woan weida vielleicht loss´n se no a poa übared´n und kumman a, söbst daun wauns nimma bik´n oda damit goa nix aum huat haum oda ghobt haum...

...mit liabegruss bis zum nächst´n gschichtl und bleibts ma gsund...



da angel mopedmörder only

Dieser Beitrag wurde schon 2 mal editiert, zum letzten mal von Mopedmörder am 12.04.2018 08:30.

12.04.2018 08:30 Mopedmörder ist offline Email an Mopedmörder senden Beiträge von Mopedmörder suchen Nehmen Sie Mopedmörder in Ihre Freundesliste auf
 
Neues Thema erstellen Antwort erstellen
Gehe zu:

Powered by Burning Board Lite 1.0.2 © 2001-2004 WoltLab GmbH
Code, Style & Templateanpassungen © 2004-2010 reini_44
DB: 0.712s | DB-Abfragen: 138 | Gesamt: 0.826s | PHP: 13.8% | SQL: 86.2%

Besucher gesamt : 370964 «» Besucher heute : 21 «» Besucher gestern : 103